
大宝伏藏TD2722གནམ་ཆོས་རྟ་གླུད་བཅའ་ཐབས་ནི།
72-11-1a
༄༅། །གནམ་ཆོས་རྟ་གླུད་བཅའ་ཐབས་ནི།
༈ གནམ་ཆོས་རྟ་གླུད་བཅའ་ཐབས་ནི། དབུས་སུ་རྐྱ་མི་ནག་པོ་རྟ་མགོ་ཅན་ཁྲཾ་ཤིང་དང་མེ་ལོང་འཛིན་པ་རྟ་བདུད་གཙོ་བོར་ཁྲམ་ཤིང་གཅིག་ཕྲག་གོང་ལ་བཙུག །དེའི་རྒྱབ་ཏུ་རྟ་གཤེད་རྐྱ་མི་རྟ་མགོ་ཅན་བདུན། དཀར་པོ་གཅིག །སེར་པོ་གཅིག །སེར་པོ་གཅིག །སྔོན་པོ་གཅིག །དམར་པོ་གཉིས། ནག་པོ་གཅིག །དེ་རྒྱབ་རྟ་གྲི་གསུམ་ནི། རྐབང་༼མགོ་ཅན་ནག་བོ་གཅིག །དཀར་པོ་གཅིག །དམར་པོ་གཅིག །དེ་ལ་རྟ་གདོན་བཅུ་ནི། དཀར་པོ་གཅིག །དམར་པོ་གཉིས། ལྗང་ཁུ་གཅིག །ནག་པོ་གཅིག །སྨུག་པོ་གཅིག །དམར་སེར་གཅིག །སྔོན་པོ་གཅིག །དུད་ཀ་གཉིས། དེ་རྣམས་འཇིམ་པ་ལ་བཅའ་ཚོན་བྱེད། དེ་རྣམས་གཙོ་མ་ནང་དུ་ས་བརྡལ་བ་ལ་བཀོད། ཟན་ལ་རྟའི་གཟུགས་ཉི་ཤུ་རྩ་གཅིག །ཆངས་བུ། ཏིང་ལོ་མཐེབ་ཀྱུ་ཤ་དུམ་རྣམས་ཉེར་གཅིག་གམ་གཟུགས་རེའི་མདུན་དུ་ཚར་གྲངས་བཞག །ཡོས་བཀྲ་སྦང་རམ་ཤ་དུམ་གྱིས་གསོ་ཞིང་ཚར་མང་དུ་བཏོན་ལ། སེ་བ་རང་རྟ་དང་། ལྷོ་སྨད་རྟ་ཐོག །སེ་བ་བླ་མཁྱེན་སོགས་མེད་སར་འབུལ་རྒྱུར་བསྐུར་ལ། དེའི་ཚེ་མཇུག་གི་སྔགས་དེ་འདོན་ཞིང་རོལ་མོ་བྱ། ཞེས་པའང་གནམ་ཆོས་ཐུགས་གཏེར་ལས་བྱུང་བའི་རྟ་གླུད་ལག་ལེན་འདི་ཉིད། དགེ་སློང་ཀརྨ་ཨ་རཱ་གས་བྲིས་པའོ།། །།


